للعراقيين

[TMSB]

مرحبة اخوان
هل من الممكن ان نكون منتدى للعراقيين الذي تقدموا بطلبات الهجرة الى كندة وان نتشارك في معلومات الهجرة؟؟
مثلا من اين تم التقديم؟ ومتى؟ وفي اي مرحلة الان؟؟
وشكرا

 

[OmMona]

السلام عليكم
اهلا وسهلا وفرحت لما شفت اكو احد يسال عن العراقيين
إحنا كعائلة مقدمين من دبي وبنهاية الشهر هذا نكون كملنا سنة
بالتوفيق ان شاء الله للجميع

 

[umahmed]

السلام عليكم
مرحبا اخي
بالبداية اشكرك على مبادرتك الرائعة لجمع العراقيين
احنا عائلة قدمنا من دبي و لنا 18 شهر منذ بداية التقديم و الى الان ان بروسس
الله يفرجها على الجميع و اتمنى نعرف عنك معلومات اكثر وشكرا
وسلام خاص للغالية ام منى اسئل الله ان يسهل لنا معك لقاء وشكرا

 

[OmMona]

اهلا ام احمد الوردة
شكرًا إسلامك
عسى الله ان يسهل امرنا جميعا
تحياتي للأولاد

 

[TMSB]

يا جماعة ترى والله كبش فرحت من شفت اكو استجابة سريعة وتشجيع ب وشكرا ام احمد وام منى على المشاركة أني قدمت من ٢٠٠٧ ولحد الان انتظر والمفروظ استلم الفحص الطبي خلال النصف الثاني من هذه السنة
اتمنى اكو بعد مشتركين لان كل الناس تجتمع وتعلق بس أحنة مشفت لحد الان فد منتدى خاص بينة

وشكرا
أخوكم تمسب

 

[umahmed]

مرحبا اخي
ياريت لو تكوللنا الى اي مكتب انت قدمت وشكرا

 

[weddingtonite]

Marhaban yaa habibee.

 

[TMSB]

الأخوة الأعزاء

اشو عبالك ماكو عراقيين هواية مقدمين شنو القصة

اكو اي تطورات جديدة ام احمد و ام منى؟
الرجاء من كل الأخوة المشاركين هنا الكتابة بالعراقي فقط وليس بالانكليزي

أنا لحد الان انتظر الفحص الطبي

شكرًا

 

[mikenz]

مرحبة اخوان
هل من الممكن ان نكون منتدى للعراقيين الذي تقدموا بطلبات الهجرة الى كندة وان نتشارك في معلومات الهجرة؟؟
مثلا من اين تم التقديم؟ ومتى؟ وفي اي مرحلة الان؟؟
وشكرا

هل لديك مانع الكتابة باللغة الإنجليزية حتى نفهم كل شيء؟

 

[OmMona]

مرحبة اخوان
هل من الممكن ان نكون منتدى للعراقيين الذي تقدموا بطلبات الهجرة الى كندة وان نتشارك في معلومات الهجرة؟؟
مثلا من اين تم التقديم؟ ومتى؟ وفي اي مرحلة الان؟؟
وشكرا

السلام عليكم
ام احمد وأخ تمسب انتم قدمتوا عبر مكتب لو بنفسكم مليتوا الطلب
ام احمد شخبارك والأولاد شلونهم
تحياتي للجميع وان شاء الله الاخبار الطيبة قادمة للجميع

 

[umahmed]

السلام عليكم
مرحبا اخواني وخواتي
و الله يا استاذ تمسب ماكو اي جديد احنا مثلك ننتظر المديكل علما اننا اكملنا 12شهر على ارسال كافة الوثائق واني مستغربة اكثر منك وين العراقيين يعني العراقيين بالامارات ماشاء الله عليهم اغلبهم يااما مقدميين على الهجرة او بالفعل كملوا الاجراءات قد يكون السبب ان المنتدى غير معروف بالنسبة لهم
ياريت يا اخ تمسب توضحلنا تاريخ التقديم لحضرتك و من اي بلد انت قدمت ان امكن
اختي ام منى كيف الحال ان شاء الله بخير نحن و لله الحمد بخير كيف حال الوردة منى وجوابا على سؤالك اختي نحن قدمنا الطلب بنفسنا المكاتب لا تقدم و لا تاخر و الله اعلم
اسال الله العظيم ان يسهل امرنا جميعا

 

[TMSB]

السلام عليكم

اني اسف اتوقعت تعرفون تاريخ التقديم مالتي لان ذكرته برسائل اخرى على العموم اني قدمت من لندن ب2007 ولحد الان لم استلم الفحص الطبي. بالنسبة لاصراري على الكتابة بالعراقي خصوصا لان الكثير يستعملون لهجاتهم الخاصة هنا فليش احنة لا.
اني قدمت بنفسي لان العملية اتصور كلش بسيطة وميحتاج لها اي محامي او مكتب

مع الشكر

 

[OmMona]

السلام عليكم
والله خوش بادرة أنا إحنا نكتب بالعراقي او بالعربي وفعلا أنا لاحظت هواي مشاركات بالفلبيني والهندي وغيرها
بالنسبة إلنا إحنا قدمنا عبر مكتب بدبي بالبداية كانوا مثل الورد واول ما استلموا فلوسهم كاموا حتى مايردون ع التلفون
بالله شنسوي الله كريم
ام حمودي إحنا بخبر ومناوي بخير الحمد لله
على فكرة انتم عندكم احد بكندا لو مثلنا ولا احد
ان شاء الله قريبااكتب لكم بالتفصيل المصاريف للسنة الاولى حسب ماشرحها لي احد زملائي بالدوام ان شاء الله تفيدنا كلنا
ان شاء الله الخير قدام بس خلوا أمركم بالله كبير
أختكم
ام منى

 

[umahmed]

السلام عليكم
اختي ام منى ان قدر الله و كتبها النا فراح نروح وما عدنا اي احد الله كريم وتتسهل واتمنى ان نناقش سوياما هي افضل طريقة هل الزوجة و الاولاد يستقرون بكندا ثم يلتحق الزوج بهم بعد ان يدرس ويعرف طبيعة السوق و احتياجاته ام التوكل على الله و الذهاب جميعا وما هي افضل مدينة للاستقرار بها بالبداية وبانتظار تجربة زميلك

 

[OmMona]

اهلا ام حمودي
والله إحنا مقررين نروح مع بعض كلنا بس زوجي يبقى بكندا واحنا نرجع بعد ما ناخذ الاقامة لان عدنا أصدقاءنا مسيحيين هناك مواعدينا بشغل باختصاصه فقلنا هو يستقر ويشوف الشغل ويشوف لنا بيت ومدرسة لمناوي وانا هم منا يكون عندي مجال اقدم استقالتي وأخذ مكافأة نهاية خدمة مالتي
والتسهيل من رب العالمين محد يدري شنو مكتوب له
ان شاء الله التوفيق للجميع وان شاء اللي يوصل قبل هو اللي يخبرنا شكو ماكو والله كريم